Өнөөдөр буюу /2026.03.09/ Баянзүрх Дүүрэг 4-р хороонд авто засварын газар шатаж байна гэсэн дуудлага 16:35 цагт Онцгой байдлын газарт иржээ.

Нөхцөл байдлын талаар ОБЕГ-аас тодруулахад, "Баянзүрх дүүргийн 4-р хороонд авто засварын газар шатаж байна гэх дуудлага 16:35 цагт ирсэн. Дуудлагын дагуу тус дүүргийн Онцгой байдлын хэлтсийн Гал түймэр унтраах, аврах 63 дугаар анги, Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид ажиллаж байна. Алба хаагчдыг очиход 10х20 метрийн хэмжээтэй 3 давхар засварын газрын дээврийн хэсэг шатаж байсан бөгөөд бэртэж гэмтсэн хүн байхгүй" гэлээ.