Нийгмийн даатгалын ерөнхий газрын даргын зөвлөлийн хурал 2026 оны 03 дугаар сарын 03-ны өдөр боллоо. Хурлаар Нийгмийн даатгалын байгууллагын 2025 оны санхүүгийн болон төсвийн гүйцэтгэлийн нэгтгэсэн тайлангийн танилцуулга болон Капитал банк ХХК дахь Банкны эрх хүлээн авагч болон Чингис хаан банкнаас нийгмийн даатгалын санд төлөх өр төлбөрт тооцон авсан хөрөнгийн талаарх хоёр асуудлыг хэлэлцлээ.

Хурлаар хэлэлцсэн асуудлуудтай холбоотойгоор Нийгмийн даатгалын ерөнхий газрын дарга Б.Батжаргал дараах үүргийг өглөө. Үүнд:

- Нийгмийн даатгалыг байгууллагын 2025 оны санхүүгийн болон төсвийн гүйцэтгэлийн тайланд аудитаар холбогдох арга хэмжээг авах, өөрчлөлтгүй дүгнэлт авах

- Шилэн дансны тухай хуулийн хэрэгжилтийг хангах;

- Хоёр банкны өр төлбөрт тооцон авсан хөрөнгийг нээлттэй дуудлага худалдаагаар худалдан борлуулах ажлыг зохион байгуулах;

- Шууд худалдан борлуулах хөрөнгийн мэдээллийг олон нийтэд нээлттэй, шилэн, ил тод тогтмол танилцуулах, худалдан борлуулах ажлыг түргэн шуурхай зохион байгуулах зэрэг болно. Мөн холбогдох газар, хэлтсүүд, уялдаа холбоогоо сайжруулж, ажлын бүтээмжтэй ажиллахыг анхаарууллаа.