Архангай аймгийн нэгдсэн эмнэлэг улсын төсвийн хөрөнгө оруулалтаар 21 аймгаас анх удаа олон улсын жишигт нийцсэн 300 ортой эмнэлэг ашиглалтад оруулсан. Ингэснээр тус эмнэлэг тусламж үйлчилгээгээ тэлж хавдрын тасагтай болон элэг, цөсний хавдрын 40 мэс засал хийж, бай болон хими эмчилгээг нэвтрүүлжээ. Ойрын хугацаанд ходоодны хорт хавдрын эмчилгээг нэвтрүүлэхээр бэлтгэл хангаж байгаа аж. Мөн нярайн найман төрлийн эрт илрүүлгийг хийж эхэлжээ.