Дүүжин замын тээвэр төслийн 19 тулгуур баганыг бүрэн суурилуулж дууслаа. Яармаг, Арцат – Хархорин, Өнөр хороолол чиглэлийн дүүжин замын тээвэр төслийн 19 тулгуур баганын угсралтын ажил дууслаа. Тус төсөл нь нийт 4.2 км урт шугамтай, 6.5-42 метрийн өндөртэй тулгуур багануудтай байх бөгөөд ийнхүү үндсэн суурь бүтцийг амжилттай суурилууллаа. Тулгуур баганын угсралтын ажлыг 2025 оны гуравдугаар сарын 01-нд эхлүүлж байсан бол ийнхүү нэг жилийн дараа буюу 2026 оны гуравдугаар сарын 02-ны өдөр тулгуурыг бүрэн суурилуулж дуусгаж байна. Ингэснээр төслийн барилга угсралтын нийт гүйцэтгэл 61.7 хувьд хүрчээ.