Худалдан авах ажиллагааны төрийн захиргааны төв байгууллага сургалтад хамрагдсан иргэнээс шалгалт авч худалдан авах ажиллагааны мэргэшсэн ажилтны гэрчилгээ олгоно гэснийг Б.Б нь зөрчиж Төрийн худалдан авах ажиллагааны газраас зохион байгуулдаг худалдан авах ажиллагааны мэргэшсэн ажилтан бэлтгэх сургалтад зохих журмын дагуу хамрагдалгүй шалгалтад тэнцсэн мэтээр 2022 оны 02 сард гэрчилгээг гаргуулан авч, байгууллагаас зохион байгуулдаг худалдан авах ажиллагааны үнэлгээний хорооны гишүүнээр ажиллаж өөртөө давуу байдал бий болгох ашиг сонирхлын үүднээс эрх бүхий этгээдэд албаны чиг үүрэг, албан тушаалын байдалтай нь холбогдуулан хамаарал бүхий этгээдээр нь дамжуулан 200,000 төгрөгийн хахууль өгсөн хэрэгт холбогдож, өөрийн гэм бурууг сайн дураар хүлээн зөвшөөрч хэргийг хялбаршуулсан журмаар хянан шийдвэрлүүлэх хүсэлт гаргаж прокуророос яллах дүгнэлт үйлдэн хэргийг шүүхэд шилжүүлжээ.

Анхан шатны шүүх: шүүгдэгч Б.Б-ын Эрүүгийн хуулийн тусгай ангийн 22.5 дугаар зүйлийн 1 дэх хэсэгт зааснаар хахууль өгсөн гэмт хэрэг үйлдсэн гэм буруутайд тооцож нийтийн албанд ажиллах эрхийг 2 жилийн хугацаагаар хасаж, хорих ял оногдуулахгүйгээр тэнсэж, шүүгдэгчийг оршин суух газраа өөрчлөх, зорчин явахдаа хяналт тавьж байгаа эрх бүхий байгууллагад урьдчилан мэдэгдэх үүрэг хүлээлгэж шийдвэрлэлээ.