Дорнод аймгийн Халхгол сумыг сумын засаг даргын захирамжаар өндөржүүлсэн бэлэн байдлын зэрэгт шилжүүллээ. Тус суманд 170 гаруй айлын мал, хашаа хороо цасанд дарагдаж 40 мянган мал уруудан, хорогдлын тоо гаргах боломжгүй. Дорнод аймгаас  түлш, шатахуун хэрэгтэй зүйлээр хангаж байгаа ч хүн хүч дутаж, байгалийн хүчин зүйлийн өмнө хүчгүйджээ. Газар дээр нь ажиллаж байгаа хүмүүс туулах чадвартай техник, хүн хүч хамгийн ихээр хэрэгтэйг онцолсон байна. Мөн өндөржүүлсэн бэлэн байдал зарласан учраас нэмэлт хүч татах боломжтой болжээ.