Буйр нуурт осолдсон гэр бүлийн 4 иргэнийг эрэн хайх ажиллагаа үргэлжилж байна.

Өнөөдөр (2026.02.26)  09:20 цагт нуурын гүн руу усны дрон дахин илгээхэд жолоочийн талын цонх хаалттай, урд салхины шил цуурсан байдалтай байна. Тиймээс аврагчид зорчигчид автомашин  дотроо байх магадлалтай хэмээн дүгнэж, ажиллагаа үргэлжилж байна. Харамсалтай явдлыг сануулахад, хоёрдугаар сарын 24-ний өдөр Сүхбаатар аймгийн иргэд болох зургаан хүн (3 том хүн, 3 хүүхэд) Приус-30 маркийн автомашинтай зорчиж явахдаа Буйр нуурт живсэн. Зорчигчдын дундаас нэг эмэгтэй, нэг хүүхэд машинаас эсэн мэнд гарч чадсан бол  гэр бүлийн хос, 12 настай охин, 2 настай хүүгийн хамт машинтайгаа живсэн байдаг.