Монголын улаан загалмай нийгэмлэг энэ хоёрдугаар сард зудын өндөр эрсдэлтэй 300 өрхөд хүнсний тусламж үзүүлсэн байна. Сэлэнгэ аймаг болон Төв аймгийн 250 малчин өрх, Сонгинохайрхан, Баянзүрх дүүргийн 50 иргэнд дээрх тусламжийг үзүүлжээ. Түүнчлэн Төр-Улаан загалмайн хамтын ажиллагааны хүрээнд УИХ-ын гишүүн, Шадар сайд, Улсын онцгой комиссын дарга Х.Ганхуяг Монголын улаан загалмай нийгэмлэгийн үйл ажиллагаатай танилцсан байна. Энэ үеэр Монголын улаан загалмай нийгэмлэгийн Эрхзүйн байдлын тухай хууль, үндсэн хөтөлбөр, гамшгаас урьдчилан сэргийлэх, хариу арга хэмжээ авах чиглэлээр хийсэн ажил, цаг уурын урьдчилсан мэдээнд тулгуурласан малчдад үзүүлсэн хүмүүнлэгийн тусламжийн талаар мэдээлэл өгчээ.