Дорнод аймгийн Буйр нуурт өчигдөр буюу 2026.02.24-ний өдөр 6 зорчигчтой Приус-30 авто машин мөсөнд цөмөрч осолдсон. Гэр бүлийн хамаарал бүхий гурван том хүн, гурван хүүхэд зорчиж явсан энэ ослоос 1 эмэгтэй, бага насны 1 хүүхэд эсэн мэнд гарчээ. Харин живсэн бусад 4 хүнийг олоогүй бөгөөд усны дроноор шалгахад авто машины хаалга хаалттай, цонх бүтэн байгаа нь тодорхой болжээ. Дорнод аймгаас гүний шумбагч нар осол болсон газарт ажиллаж байна.