БЗД-ийн Хүүхэд, гэр бүлийн хөгжил, хамгааллын хэлтсийн дарга Ц.Үүрцайх цахим орчинд нийслэлийн ИТХ-аас 2026 оныг “Хүүхэд хамгааллын жил” болгон зарласантай холбоотойгоор шүүмжлэлтэй байр суурь илэрхийллээ.

Тэрбээр, 2026 оныг хүүхэд хамгааллын жил болгосон ч бодит амьдрал дээр хүүхдийн нэрийг барьсан хэт улс төрийн хийрхэл өрнөж байгааг онцлоод, зарим албан тушаалтан, төлөөлөгчдийн хийсэн мэдэгдлүүдийг жишээ татав. Тухайлбал, 

1. Засаг даргын орлогч нь Хүүхдийг үе тэнгийн дээрэлхэлт үйлдсэн бол хувийн хэрэгт нь тэмдэглээд насаар нь дээд сургуульд оруулахгүй...

2. Ану-Үжин төлөөлөгч "Охидоо л үе тэнгийн дээрэлхэлтээс хамгаална"...

3. Сэмжидмаа төлөөлөгч "өвөл морин уралдаанаа хиймээр байнаа хүүхдээ ч гэсэн хамгаална" гэж тус бүр мэдэгдэл хийв.

Эдгээр мэдэгдэлд дүүргүүд болон мэргэжлийн байгууллагууд буруугүй, оролцоогүй, хамааралгүй гэдгийг тодотгоод, Нийслэлийн ИТХ нь хууль, журам, стандартыг нийслэлд мөрдүүлэх үүрэгтэй болохоос шинээр хууль, журам зохиодог байгууллага биш гэдгийг сануулжээ.Тэрбээр цааш нь, “Хүүхдийн асуудлаар улс төрийн шийдвэр гаргалт хийхдээ зөв, бодитой хандах ёстой. Хүүхдийн асуудалд улс төрийн буруу хийрхэл, популизмаар (ПОП) хандаж болохгүй” хэмээн байр сууриа илэрхийллээ.