Сар шинийн баяр айсуй. Энэ баяраар айл болгонд орж зооглодог бууз, салат, архи, айраг, ууц шүүсний мах бүгдээрээ калори өндөртэйд тооцогддог. Ширхэг бууз л гэхэд 185-215 ккал, 100 грамм цагаан архи 235 ккал, жижиг тавагтай нийслэл салат 260 ккал илчлэгтэй байдаг гэнэ.

Тоо бодоод үзье. Нэг айлд зочлон таван ширхэг бууз, нэг жижиг таваг салат, ууцны махнаас хэдэн хэрчмийг идэж, нэг аяга айраг уулаа гэхэд нийтдээ 1700 ккал болдог байна.

Өдөрт таван айлаар орж, идээ шүүснээс ийнхүү амсахад дунджаар 9000 ккал илчлэгтэй хүнс хэрэглэх юм байна. Хүн өдөрт дунджаар 2000 ккал, турахыг хүсч байвал 1200 ккал илчлэгтэй хүнсийг хэрэглэх нь зохистой гэнэ. Гэтэл нэг айлаар ороод гарахдаа л бид хоёр өдөр идсэнтэй тэнцэх хоол хүнс идчихдэг байна.

Нийгмийн эрүүл мэндийн үндэсний төвөөс гаргасан энэхүү виденоос та Цагаан сараар иддэг хоол хүнсний илчлэгийн хэмжээг харж, зарим хүнснээс татгалзаж жингээ нэмэхгүй байх боломжтой юм. Та хэдий их хөдөлгөөнтэй байна тэр хэмжээгээр илүүдэл хэмжээгээр авсан калорио шатаах боломжтой. Тиймээс айл хэсэхдээ ойрхон бол алхах, лифт ашиглахгүй байх, ойр ойрхон гэрээ цэвэрлэх зэргээр аль болох хөдөлгөөнтэй байхыг эрмэлзээрэй.