Хөгжлийн банкны хэргээр шалгагдаж байгаа Г.Галсанням "Зэс эрдэнийн хувь"ХХК-наас 4.5 тэрбум төгрөг завшсан хэргээр эрэн сурвалжлагдаж эхэлжээ

Сүүлийн үед нэлээдгүй маргаан үүсээд байгаа "Зэс эрдэнийн хувь" ХХК-ны удирдах ажилтнуудыг цагдаагийн байгууллагаас шалгаж эхэлсэнтэй холбоотойгоор "Зэс эрдэнийн хувь" ХХК-ны Улаанбаатар хот дахь оффисыг өнөөдөр нэгжжээ. Оффисын гадаа хувьцаа эзэмшигч нар цуглан үнэн зөвийг олж өгөхийг хууль хүчний байгууллагынхнаас хүссэн байна. 

Тодруулбал: "Зэс эрдэнийн хувь"ХХК-ны захиргааны менежер, нягтлан бодогч, тооцооны нябо нараас мэдүүлэг авсан байна. "Зэс эрдэнийн хувь" ХХК-ны н.Сумъяабазарын /Н.Алтанхуягийн эцэг нэгтэй дүүгийнх нь хүүхэд/  гэрт нэгжлэг хийсэн бөгөөд Г.Галсаннямыг “Зэс эрдэнийн хувь” ХХК-нд 4.5 тэрбум төгрөгийн хохирол учруулсан хэргээр эрэн хайж байна.Мөн Эрдэнэт хотод байрлах зэс үйлдвэрийн тооцооны хоёр ахлах нягтлан бодогчдоос мэдүүлэг авсан байна.

Г.Галсанням нь малын хулгайн хэргээс авхуулаад хөгжлийн банкны хэд хэдэн хэргээр одоо шалгагдаж байгаа юм байна. Түүнчлэн "Зэс эрдэнийн хувь" ХХК-ны хувьцааг “БММ” компанийн н.Санжжав гэх хүнээс авахдаа "Зэс эрдэнийн хувь" ХХК-ны мөнгийг ашигласан нь мөрдлөгөөр тогтоогдон шалгагдаж байгаа ажээ.

Г.Галсанням нь "Зэс эрдэнийн хувь" ХХК-ийн мөнгийг угаах замаар авч, завшсан мөнгөөрөө хувьцаа худалдан авсан бөгөөд А.Амундра ,Херо Баатар, Х.Нямбаатар нарын төлөөний этгээдэд зарж 13 тэрбум төгрөг авсан боловч "Зэс эрдэнийн хувь" ХХК-аас завшсан 4.5 тэрбум төгрөгийг төлөөгүй хэмээн эх сурвалж мэдээллээ.