Кристина Ноблийн Хүүхдийн Сангийн хөтөлбөрийн 2024 оны суурь судалгаагаар хүмүүжигч хүүхдүүдийн гэр бүлийн байдал дараах байдлаар тодорхойлогдсон байна. Тодруулбал, 

• 16.7% - аав, ээж болон ах, эгч, дүү нарын хамт
• 56.7% - ээжтэйгээ (эсхүл ээж болон ах, эгч, дүү нарын хамт)
• 6.7% - аавтайгаа
• 3.3% - ах, эгч / бэр эгч, дүү нарын хамт
• 10.0% - эмээ, өвөөтэйгээ (эсхүл тэдний аль нэгтэй)
• Үлдсэн хүүхдүүд - найз охин/хөвгүүнтэйгээ эсхүл асрамжийн орчинд амьдарч байсан байна.

Эдгээр тоо баримт нь хүүхдүүдийн асран хамгааллын хэлбэр олон янз байгааг харуулж байгаа бөгөөд гэр бүлийн бүтэц бус, харин хүүхдэд цаг тухайд нь хүрэх сэтгэл зүй, боловсрол, нийгмийн дэмжлэг хамгийн чухал болохыг сануулж байна. Өөрөөр хэлбэл, аливаа хүүхдийн сайн сайхан байдал нь хэнтэй амьдарч байгаагаас илүүтэйгээр тогтвортой халамж, хамгаалал, ойлголцол хэрхэн хүрч байгаагаас шалтгаалдаг. Тиймээс өсвөр насныханд чиглэсэн дэмжлэгийг зөвхөн хувь хүүхдэд бус, тэдний гэр бүл, асран хамгаалагч, сургуулийн орчинг хамтад нь багтаасан цогц байдлаар хэрэгжүүлэх нь урьдчилан сэргийлэх, нийгэмд амжилттай эргэн нэгтгэх ажлын суурь болж байна.