Хөвсгөл аймгийн Цэцэрлэг сумын нутагт өнөөдөр /2026.02.09/ 14:24 цагт  3.7 магнитудын хүчтэй газар хөдлөлт боллоо. Тодруулбал, газар хөдлөлт Завхан аймгийн Асгат сумын төвөөс зүүн зүгт 33 км, Хөвсгөл аймгийн Цэцэрлэг сумын төвөөс баруун зүгт 50 км, Завхан аймгийн Баянхайрхан сумын төвөөс зүүн зүгт 53 км зайд хөдөлсөн байна.

Мөн газар хөдлөлтийн хүчийг хоёр хэлбэрээр хэмждэг. Магнитуд нь хөрсөн доор, газар хөдөлж байгаа төв хэсгийг хэмждэг үзүүлэлт юм. Харин газрын хөрсөн дээр, хүнд болон барилга байгууламжид мэдрэгдэж байгааг баллаар хэмждэг. Шаталбар нь 12 хүртэл байдаг бөгөөд гурваас бага магнитудын газар хөдлөлт хүмүүст онцгой мэдрэгддэггүй бол 7-гаас дээш магнитуд хүрэхэд том талбай хамарсан сүйрэл болдог байна.