Улсын Нэгдүгээр Төв Эмнэлэг (УНТЭ)-ийн Төлөөлөн удирдах зөвлөл өнгөрсөн нэгдүгээр сарын 30-нд хуралдаж, Улсын нэгдүгээр төв эмнэлгийн захирлын албан үүргийг түр орлон гүйцэтгэгч Л.Бямбасүрэнг үүрэгт ажлаас нь чөлөөлж, оронд нь Н.Лхажийг ерөнхий захирлаар томилоод буй. Гэвч энэ томилгоог хууль бус гэсэн мэдээлэл гараад байна. Учир нь ТУЗ ирц бүрдээгүй, ердөө 4 хүн эл томилгоог хийсэн гэх мэдээлэл байна.  

Н.Лхажий нь 2013-2016 онд УНТЭ-т Эмчилгээ эрхэлсэн орлогч захирлаар ажиллаж байсан. 2016 онд АНУ руу магистрын зэрэг хамгаалахаар яваад эргэн ирж, УНТЭ-ийн эмчилгээ эрхэлсэн орлогчоор ажиллаж байгаад, 2020 оны 8-р сард Ерөнхий захирлаар ажиллаж байсан Т.Мөнхсайхан ЭМ-ийн сайд болоход оронд нь ерөнхий захирал болсон. Харин 2021 онд түүнийг тус эмнэлгийн ТУЗ ажлаас нь чөлөөлсөн байна. Тэрбээр хууль бусаар ажлаас халагдсан гэж шүүхэд хандсан. Анхан болон давж заалдах шатны шүүх Н.Лхажийг хууль бусаар халагдсан гэж үзсэн учир ийн түүнийг буцаан I эмнэлгийн ерөнхий захирлаар томилж байв. 

Түүний хамгийн сүүлийн буюу 2020 онд АТГ-т мэдүүлсэн ХОМ-ийг нь харахад,

• Өөрийн орлого: 12 сая төгрөг
• Гэр бүлийн орлого: 94 сая төгрөг
• Нийтийн орон сууц нэг: 519 сая төгрөг
• Тээврийн хэрэгсэл: 42 сая төгрөг
• Мал амьтан: 30 сая төгрөг
• Газар: 101 сая төгрөг
• Үнэт эдлэл: 2 сая төгрөг гэж мэдүүлж байжээ.