Хэнтий аймгийн Өмнөдэлгэр суманд наймдугаар ангийн сурагч М.Отгонбат 2026.01.28-ны өглөө 07:50 минутанд сургуульдаа явахаар гараад одоог болтол олдоогүй байна.

Сумын хамтарсан баг, сумын, тойргийн цагдаа, онцгой байдлын газрын албан хаагч нар эрэн хайж байна. Ар гэрийнхний зүгээс тус өдрийн 20 цаг 30 минутад энэ талаар цагдаагийн албан хаагчдад мэдээлэл өгсөн даруйд сумын Засаг дарга Р.Энхтөрөөр ахлуулсан хүүхэд хамгааллын хамтарсан баг, сумын Онцгой комиссын бие бүрэлдэхүүн эрлийн ажиллагааг эхлүүлж, 20-иод цаг тасралтгүй үргэлжлүүлж байна. Өмнөдэлгэр сумын Онцгой комисс, мэргэжлийн ангийн 35 албан хаагч, ЕБСургуулийн 48 багш ажилчид, хэсгийн төлөөлөгч, цагдаа, Жаргалтхаан сумын цагдаагийн тасгийн 3 албан хаагч, ар гэрийн төлөөлөл 6 иргэн эрэн хайх ажиллагаанд оролцож байна. М.Отгонбат нь өнөөдөр найз нартайгаа утсаар холбогдож тоглох, чат бичих зэргээр холбогдсон бөгөөд цагдаагийн албан хаагчидтай хамтран түүний байршлыг тогтоох ажлыг зохион байгуулж байна.