Зэрлэг амьтан судлах, хамгаалах төв хулгайн антай тэмцэх төслийн хүрээнд Өмнөговь аймгийн Ханбогд сумын нутаг дэвсгэрт төрийн болон төрийн бус байгууллагуудын оролцоог хангасан томоохон хээрийн эргүүл, хяналт шалгалт хийжээ. Энэхүү ажлын хүрээнд Экологийн цагдаагийн алба, Өмнөговь аймгийн Байгаль орчны газар, Ханбогд сумын ЗДТГ, Говийн бага дархан цаазат газрын хамгаалалтын захиргаа хамтран ажилласан байна. Төслийн үр нөлөөг нэмэгдүүлэх зорилгоор олон талын оролцоог хангасан хээрийн эргүүл хийж, хяналтын тогтолцоог сайжруулах арга замуудыг хэлэлцжээ. Тус бүс нутагт зэрлэг амьтад болон малын сэг зэмийг илрүүлж, тэдгээрийн үхэл хорогдлын шалтгааныг мэргэжлийн түвшинд хамтран тогтоосон байна.

Мөн Хулгайн ан болон зэрлэг амьтдын эсрэг гэмт хэргээс урьдчилан сэргийлэх урт хугацааны хамтын ажиллагааны зорилтуудыг тодорхойлжээ.

Эх сурвалж: Зэрлэг амьтан судлах, хамгаалах төв