АТГ-аас өчигдөр /2026.01.27/ улсын ахлах байцаагч А.Бямбадоржийн гэрт болон ажлын өрөөнд нэгжлэг хийсэн. Мөн А.Бямбадоржийн хэрэгтэй холбогдуулан "Хүннү" хотын хөгжлийн корпорацийн инженер Б.Мөнхсайханы гэр болон албан өрөөнд нэгжлэг хийгээд буй. 

А.Бямбадорж нь Аж үйлдвэр, Эрдэс баялгийн яамны Хяналт шинжилгээ, үнэлгээ дотоод аудитын газарт ажилладаг. Тэрбээр өмнө нь МХЕГ-т дэд бүтцийн хяналтын хэлтсийн даргаар ажиллаж байсан бөгөөд уг ажилтай нь холбогдуулан авлига, албан тушаалын хэрэгт холбогдуулан ийнхүү шалгаж эхэлжээ.

Түүний хамгийн сүүлийн буюу 2024 онд АТГ-т мэдүүлсэн ХОМ-ийг нь харахад,

• Өөрийн орлого: 49 сая
• Гэр бүлийн орлого: 56 сая
• Нийтийн орон сууц нэг: 833 сая
• Тээврийн хэрэгсэл: 748 сая
• Үнэт эдлэл: 29 сая
• Хадгаламж: 24 сая
• Зээл: 195 сая төгрөг байгаа юм.