Сүүлийн үед тэтгэвэрт гарсан иргэдийг онилсон цахим залилангийн гэмт хэрэг бүртгэгдэж эхэлжээ. Тодруулбал, цахим орчинд “Хэрэв та тэтгэвэртээ гарсан, Хаан банкны дансаар тэтгэврээ авдаг бол “OK” гэж бичээд 80 сая төгрөг авна” гэх худал мэдээлэл байршуулж, иргэдийг залилан мэхэлж байна.

Уг зарын дагуу “OK” гэж бичсэн иргэдээс:

• Овог, нэр
• Утасны дугаар
• Банкны хувийн мэдээлэлзэргийг авч, улмаар өөр төхөөрөмжөөс тухайн иргэний банкны аппликейшнд нэвтрэх оролдлого хийж, баталгаажуулах 6 оронтой кодыг худал хэлж хэлүүлэн аваад, банкны данс руу нь хууль бусаар нэвтэрдэг байна.

Ингэснээр тухайн иргэдийн нэр дээр гарах боломжтой зээлийг авч, мөнгийг өөрийн данс руу шилжүүлэн авсан залилангийн гэмт хэрэг бүртгэгдэж байгаа юм. Иймд иргэдийг зургаан оронтой баталгаажуулах кодыг хэнд ч хэлэхгүй байх, “мөнгө, зээл олгоно” гэх цахим зар, мессежид итгэхгүй байхыг анхаарууллаа. Банк, төрийн байгууллага нь хэзээ ч утсаар болон цахимаар нууц код асуудаггүйг бөгөөд хэрэв сэжигтэй тохиолдол илэрвэл Цагдаагийн байгууллага болон банканд яаралтай хандахыг зөвлөлөө.