2011 онд СУИС-д сурч байхдаа ангийн хөвгүүддээ хүчирхийлүүлсэн гэх эмэгтэйн хэргийг шалгаж эхэлжээ. Тодруулбал, цахим хуудаснаа бүлэг хүчингийн хэргийн хохирогч болсон гэдгээ мэдэгдээд байсан 34 настай Ш ил гарч ирж, хэвлэлүүдэд ярилцлага өгсөн. Үүний дараагаар 2011 онд буюу СУИС-ийн 2-р дамжааны оюутан байхад нь нийлж, хүчиндсэн ангийнх нь долоон эрэгтэйн нэр, зураг ил болсон. Тухайн хэрэг өнгөрсөн хугацаанд 4 удаа хаагджээ. Харин өөрөө шүгэл үлээж гарч ирснээр цагдаагийн байгууллага хэргийн шалгалтын ажиллагаа эхлүүлсэн байна. Ингэхдээ өмнөх хэрэгсэхгүй болгосон тогтоолыг хүчингүй болгожээ.