Засгийн газар өнөөдрийн хуралдаанаар ДЦС-4-т гарсан гэмтэл, эрчим хүчний чадлын талаар мэдээлэл сонсож, хэвийн горимд орсон талаар мэдээлэл хийсэн. Үүнээс хойш ЭХЯ-наас дараах мэдэгдлийг гаргалаа. Тодруулбал, Бөөрөлжүүтийн цахилгаан станцад ашиглаж буй нүүрс 42 хувийн чийгшилтэй байдаг бөгөөд хүйтний эрч эрс нэмэгдсэнтэй холбогдуулан зуухны нүүрс тэжээх бункерт хөлдөж бөглөрчээ. Ингэснээр станцын ачаалал 300 МВт-аас 120 МВт хүртэл буурч цахилгаан эрчим хүчний хязгаарлалтыг үргэлжлүүлэн хийхээр боллоо гэв. 

Эрчим хүчний яам болон холбогдох байгууллагуудын төлөөлөл газар дээр нь хэвийн болгохоор ажиллаж байна.