Монгол Улсад анх удаа хүүхдэд цусны үүдэл эс шилжүүлэн суулгах эмчилгээг амжилттай хийлээ

Эрүүл мэндийн яамны санаачилгаар Эх Хүүхдийн Эрүүл Мэндийн Үндэсний Төв болон Улсын Нэгдүгээр Төв Эмнэлэг/ The First Central Hospital of Mongolia хамтран 2025 оны 12 дугаар сарын 9-ний өдрөөс Монгол Улсад анх удаа хүүхдэд үүдэл эс шилжүүлэн суулгах (аутолог) эмчилгээг эх орондоо амжилттай хийж эхэллээ. Энэхүү ажлын хүрээнд Турк улсын Medical Park эмнэлэг болон ТИКА олон улсын байгууллагатай хамтран ажиллаж, эмч мэргэжилтнүүдийг гадаад, дотоодын сургалт, дадлагад хамруулан чадавхжуулсан. Цусны үүдэл эс шилжүүлэн суулгах багт УНТЭ-ийн Цусны үүдэл эс шилжүүлэн суулгах төвийн эмч нар, ЭХЭМҮТ-ийн Цусны эмгэг, хавдар судлалын эмч, сувилагчид хамтран оролцов.

Уг эмчилгээг тухайн өвчтөний өөрөөс өөрт үүдэл эс шилжүүлэн (аутолог) эмчилсэн нь олон улсын стандарт, аюулгүй ажиллагааны шаардлагыг бүрэн хангаж ажилласан юм. Ингэснээр өмнө нь гадаад улсад хийгддэг байсан өндөр өртөгтэй эмчилгээг эх орондоо хийх боломж бүрдэж, хүүхдүүдэд үзүүлэх хорт хавдрын тусламж үйлчилгээ нэг шат ахилаа