“Миний машиныг хүн хулгай хийж осол гаргасан” гэх дуудлага мэдээлэл цагдаагийн байгууллагад ирүүлжээ.

Энэ дагуу шалгахад 01 дүгээр сарын 17-ны өдөр Хэнтий аймгийн нутаг дэвсгэрт жолоодох эрхээ хасуулсан үедээ согтууруулах ундааны зүйл хэрэглэн тус аймгийн иргэний Камри маркийн тээврийн хэрэгслийг хулгайлж хөдөлгөөнд оролцох явцдаа зам тээврийн осол гаргасан нөхцөл байдал урьдчилсан байдлаар тогтоогдсон байна. Тус хэрэгт Хэнтий аймгийн цагдаагийн газар шалгалтын ажиллагааг явуулж байна. Иймд, иргэд жолооч та бүхэн тээврийн хэрэгслээ зориулалтын бус, камерын хяналтгүй хэсэгт байршуулахгүй байх, асаалттай орхихгүй байх, автомашинд үнэ бүхий эдлэлээ үлдээхгүй байхыг зөвлөж байна.