Ховд аймгийн Манхан сумын Баянгол багийн нутаг аймгийн төвөөс зүүн урд зүгт 70 км, сумын төвөөс баруун урд зүгт 50 км-т орших Таван түрүүн эрэг хэмээх газарт иргэн 40 настай эмэгтэй Т 1-р сарын 11-ний өдрийн 05:00 цагийн үед гэрээсээ явган гараад сураггүй болжээ. Энэ тухай дуудлагыг Онцгой байдлын газар 1-р сарын 13-ны өдрийн 18:50 цагт хүлээн авсан байна. 

Дуудлагын дагуу 1-р сарын 14-ний өдөр тус аймгийн Онцгой байдлын газрын Манхан сум дахь Эрэн хайх, аврах бүлгийн алба хаагчид, Цагдаагийн хэсгийн алба хаагчид, Мэргэжлийн ангийнхан, ар гэрийнхний хамт 1-р сарын 14-ний өдрийн 08:55 цагаас зохион байгуулж, мөн өдрийн 10:20 цагт гэрээс нь баруун урд зүгт 22 км-ын зайд Манхан сумын Таван түрүүн хөх сайр гэх газраас эсэн мэнд олж, ар гэрийнхэнд нь хүлээлгэн өгсөн гэж ОБЕГ-аас мэдээлэв.