Монгол улсын консерваторын 2026-2027 оны хичээлийн жилийн элсэлт эхэллээ. Тодруулбал, Ерөнхий Боловсролын Сургууль (ЕБС)-ийн 1, 6, 8-р ангиуддаа нэгдүгээр сарын 12-17/-ны өдрүүдэд элсэлт авна. Ингэхдээ 2020 онд төрсөн 2026 онд нэгдүгээр ангид элсэн орох хүүхдүүдийг төгөлдөр хуур, хийл, эрдүү хийл, морин хийл төрлөөр сонгодог хөгжмийн ангид, одоо тавдугаар ангид суралцаж буй сурагчдаас үлээвэр, цохивор, үндэсний хөгжмийн ангид, долоодугаар ангид суралцаж байгаа сурагчдаас ардын бүжгийн ангид тус тус сонгон шалгаруулж авна. 

Бүртгэлийг нэгдүгээр сарын 11-ний өдрийг дуустал цахимаар явуулах бөгөөд хөгжмийн мэргэжлээр бүртгүүлсэн хүүхдүүдээс, 

• Хөгжмийн сонсгол
• Ритм хэмнэл
• Хөгжмийн тогтооц
• Бие эрхтний тохиромж

Бүжгийн мэргэжлээр бүртгүүлсэн хүүхдүүдээс 

• Бие эрхтний тохиромж
• Хөдөлгөөний эвсэл
• Хөгжмийн сонсгол 
• Ритм хэмнэл зэрэг ур чадвараар шалгалт авна. 

88 жилийн түүхтэй монголын урлагийн түүхийн гал голомт болсон Монгол улсын консерваторт авьяаслаг үрсээ элсүүлэхийг хүсвэл https://www.conservatory.edu.mn/%D0%B5%D0%B1%D1%81-%D0%B8%D0%B9%D0%BD-%D1%8D%D0%BB%D1%81%D1%8D%D0%BB%D1%82 холбоос дээр дарж, мэдээлэл аваарай.