УАУ-ы их эмч, АУ-ы магистр, Клиникийн профессор Бямбаагийн Мягмарсүрэн өөрийн нүүр номоороо дамжуулж дараах мэдээллийг нийтэлжээ. Иргэдэд сэрэмж болгох зорилгоор бүрэн эхээр нь хүргэж байна. 

"Урдаас авч ирж байгаа эм тангууд дотор, хүчтэй үйлчилгээтэй, номхтогол султай эмнүүд нилээд байдаг. Монгол хүмүүст хэт өндөр тунгаар хэрэглэхэд аюултай байдаг шүү. Жишээ нь: Гарьд-5 /Чун-а/, Гарьд-13 /Зачун-13/, Чун-9, Үлчү-18 гэх мэт эмнүүдийг Монгол хүмүүст 3-5 ш үрлээр буюу 0,5-1,0 гр хүртэл хэмжээгээр өдөрт 1-3 удаа уулгадаг. Гэтэл 13-18 ширхэгээр өдөрт 3 удаа уухаар бичиж өгсөн тохиолдол олон таарч байна. Ийм хэмжээгээр хэрэглэж хэрхэвч болохгүй гэдгийг хариуцлагатайгаар анхааруулж байна. 1992 онд Чун-5-ыг 17 ширхэгээр ууснаас болж зүрх нь зогсоод 1-р эмнэлгийн хүлээн авах дээр яаралтай хүргэгдэн ирж байсан тохиолдол байдаг шүү. Залуу хүн тулдаа, ходоодоо угаалгаад, эмчлүүлээд, тэсэж үлдсэн шүү. Настай хүн бол дийлэхгүй, шууд зүрх нь зогсоно шүү. Анхаараарай. Ахмад настнуудынхаа ууж хэрэглэж байгаа эм танг хянаарай гэж зөвлөмөөр санагдлаа. Эрүүл энхийг хүсье".