Вашингтон хотноо Монголын Буддын Соёлын Төвөөс “Зэндмэнь Дарь эх”-ийн авшиг хүртээх номын үйл ажиллагааг зохион байгууллаа. АНУ-ын нийслэл Вашингтон хотноо өнгөрсөн жилээс эхлэн олон нийтэд зориулан үйл ажиллагаагаа явуулж буй Монголын Буддын Соёлын Төв шинэ оны босгон дээр томоохон номын үйл ажиллагаа амжилттай зохион байгууллаа. Энэ удаад тус төвөөс Намжал хансүр Жадо ренбүүчий багшийг хүндэтгэн урин залж сүсэгтэн олонд “Зэндмэнь Дарь эх”-ийн эш, авшиг хүртээлээ. Энэхүү дээдийн номын үйлээр хураасан буяныг Дээрхийн Гэгээн XIV Далай багшийн мэндэлсний 90 насны ойд зориулан багшийн өлмий бат орших, номын их үйлс нь өнөд дэлгэрэхийн угт зориуллаа.

Гандантэгчэнлин хийдийн АНУ дахь төлөөлөгч гавьж Д.Лувсанжамцын үүсгэн байгуулсан Монголын Буддын Соёлын Төв нь буддын шашин, соёлын өвийг гадаадад сурталчлан таниулах, монголын уламжлал ёс заншлыг хойч үед өвлүүлэх зорилготойгоор АНУ-д ном сургалт, соёлын үйл ажиллагаа явуулж байна.