Сүүлийн үед олон нийтийн цахим сүлжээ тэр дундаа фэйсбүүк чатаар дамжуулан нэр бүхий  банкны логотой хаягаар “Та мөнгө хожлоо банкны нууц үгээ оруулж мөнгөө аваарай” хэмээн иргэдийг залилах тохиолдол нэмэгджээ. Тодруулбал, 2026 оны нэгдүгээр сарын 03-ны өдөр нэр бүхий иргэн дээрх мэдээллийн дагуу нууц үгээ оруулж, 3 сая 300 мянган төгрөг залилуулжээ. Иймд энэ төрлийн мэдээлэл ирсэн бол сайтар нягталж, үл мэдэх линк дээр дарж хувийн болон дансны мэдээллээ оруулахгүй байхыг Цагдаагийн ерөнхий газраас анхаарууллаа.