Халиа тошин үүссэн бүсэд шуурхай арга хэмжээ авч, шороон далан босгон усны урсгалыг хязгаарлах ажил үргэлжилж байна. Тодруулбал Баянзүрх дүүргийн 10 дугаар хороо, хоёрдугаар хэсэгт булгийн ус газрын хөрснөөс нэвчин гарснаар халиа тошин үүсч, айл өрхийн хашаанд ус орон мөстөж, явган зорчигч болон автомашины хөдөлгөөнд хүндрэл учраад байна. Тус бүс нь намгархаг газар тул урьдчилан сэргийлэх анхааруулгыг хорооны зүгээс өмнө нь удаа дараа хүргэж байсан юм. Иймд иргэд та бүхэн халиа тошин үүсэх эрсдэлтэй бүс, сав газарт буусан тохиолдолд аюулгүй байршилд даруй нүүх, болзошгүй эрсдэлээс урьдчилан сэргийлэхийг анхааруулж байна.