Төрийн өмчит “Эрдэнэт үйлдвэр” гарын болон эдийн саван, шингэн саван, шампунь зэрэг ахуйн хэрэглээний бүтээгдэхүүн худалдан авахад нийт ₮515 саяын төсөвт өртөгтэй тендер зарлалаа. 

Тодруулбал, гарын саванд 221.2 сая, шингэн саван, шампунь болон бусад бүтээгдэхүүнд 203.4 сая төгрөг тусгасан нь энгийн хэрэглээний бараанд бараг хагас тэрбум төгрөг төсөвлөсөн дүн болж байна. Инфляц, иргэдийн худалдан авах чадвар буурч, төрийн өмчит компаниуд зардлаа танах шаардлага яригдаж буй энэ үед ахуйн саван, шампуньд ийм хэмжээний мөнгө зарцуулах нь зайлшгүй хэрэгцээ юу, эсвэл хэт өндөр төсөв үү гэдэг асуултыг дагуулж байна.

Ялангуяа нэгж бүтээгдэхүүний тоо хэмжээ, үнийн нарийвчилсан мэдээлэл ил тод байршуулаагүй тохиолдолд “төсөв хөөсөрсөн байж болзошгүй” гэх хардлага үүсэх нь аргагүй юм. Тендерийн шалгаруулалт бодит хэрэгцээ, зах зээлийн үнэд тулгуурласан эсэх, үр ашигтай зарцуулалт хангагдах эсэх нь цаашид олон нийтийн хяналтад байх асуудал хэвээр байна.