Алтан овооны Тэнгэрийг тайх, Төрийн их тахилга -110 жилийн ойн баяр наадмын Хурдан Соёолонгийн уралдаанд 84 гаруй соёолон уралдааны замд гарснаас түрүү магнайд Сүхбаатар сумын уяач Гомбосайханы  Ууганбаатарын хул, аман хүзүүнд Мөнххаан сумын аймгийн алдарт уяач Банзрагчийн Гантулгын  зээрд, айргийн гуравт  Баярсайханы Мөнх-Эрдэнийн хул, айргийн дөрөвт Булган аймгийн Гурванбулаг сумын уяач Гал-Эрдэнийн хүрэн, айргийн тавд Хөвсгөл аймгийн Мөрөн сумын аймгийн алдарт уяач Лхагвасүрэнгийн Ганболдын хээр хурдалж наадамчин олноо баясгалаа. Түрүүлж айрагдсан морьдын шагналыг баяр наадам зохион байгуулах комисс болон аймаг орон нутгийн удирдлагууд хүндэтгэл үзүүлж гардуулж өглөө.

Алтан овооны тэнгэрийг тайх төрийн тахилга 110 жилийн ойн баяр наадмын хурдан Дааганы уралдаанд 67 даага уралдааны замд гарсан байна. Түрүү магнайд  Дорнод аймгийн Баянтүмэн сумын  Бат-Өлзийн сартай хээр, аман хүзүүнд Ховд аймгийн Булган сумын Отгонбаатарын хээр, айргийн гуравт Баруун-Урт сумын Гөлөгсайханы Хүрэн халзан, айргийн дөрөвт Сүхбаатар аймгийн Баруун-Урт сумын Батзоригийн хонгор, айргийн тавд Сүхбаатар аймгийн Онгон сумын уяач Баярхүүгийн хээр тус тус хурдаллаа. Баяр наадамд түрүүлж айрагдсан морьдын шагналыг хүндэтгэл үзүүлж гардуулж өгөв.