Улсын чанартай авто замын А0302 дугаартай Өвөрхангай-Баянхонгор чиглэлийн замын 7-8 дахь километр болон 13-14 дахь километр хоорондох зам дээгүүр уулын үер буужээ. 

Тодруулбал Өвөрхангай аймгийн Тарагт сумын Цахиурт багийн “Арвайн тал” гэдэг газар /аймгийн төвөөс баруун хойд зүгт 11 км-т, сумын төвөөс зүүн урд зүгт 30 км-т/ 08.01-ний өдрийн 18:00-21:00 цагийн хооронд усархаг бороо орсны улмаас хатуу хучилттай авто замын зорчих хэсэг дээгүүр ус хальж урссан тул автомашин усанд боогдсон тухай дуудлагыг 21:45 цагт хүлээн авчээ. 

Өчигдөр шөнийн 01:00 цагийн байдлаар үерийн ус татраагүй, аймгийн онцгой байдал, замын цагдаа болон “Өвөрхангай АЗЗА” ТӨХК-н баг бүрэлдэхүүн хамтран үерт суусан автомашиныг татаж гаргах, суусан машины зорчигч нарыг аймаг руу шилжүүлэх ажил хийгджээ. 

Иймд тус чиглэлийн зам саатсан тул шөнө оройн цагаар зорчихгүй байхыг онцгой анхаарууллаа.