Хууль зүй, дотоод хэргийн сайд Х.Нямбаатар тушаал гарган, ялтангуудаар Улаанбаатар хотын шарилжийг түүлгэж, устгуулахаар болжээ. Энэхүү ажлыг Улаанбаатар хотын Захирагчийн ажлын алба болон ШШГЕГ хамтарч нийслэлийн нийтийн эзэмшлийн шарилж устгах ажлыг маргаашаас эхлүүлэхээр боллоо.

Уг тушаалд Иргэдийн эрүүл мэндийг хамгаалах, шүүхээс оногдуулсан ялын үр нөлөөг дээшлүүлэх зорилгоор хорих ял эдэлж буй хоригдол, нийтэд тустай ажил хийлгэх ял шийтгүүлсэн ялтан, баривчлагдсан этгээдийг Улаанбаатар хотын нийтийн эдэлбэр газрын шарилж, зэрлэг ургамлыг цэвэрлэх ажилд хууль тогтоомжийн хүрээнд татан оролцуулж, зохион байгуулахыг Шүүхийн шийдвэр гүйцэтгэх ерөнхий газарт даалгажээ.