Мал эмнэлгийн ерөнхий газрын даргын 2023 оны “Хонины цэцэг өвчнөөс урьдчилан сэргийлэх нэгдсэн дархлаажуулалтын ажлыг зохион байгуулах тухай” тушаалаар Сүхбаатар, Хэнтий, Дорнод, Говьсүмбэр, Дундговь, Нийслэлийн нийт 69 сум, дүүргийн 4,8 сая толгой мал сүргийг дархлаажуулах ажил өнөөдрөөс эхэлж байна.

Хонины цэцэг өвчнөөс урьдчилан сэргийлэх вакциныг “Биокомбинат” ТӨХХК-д үйлдвэрлэн 5,0 сая тунг дархлаажуулалтад хэрэглэнэ.