Завхан аймгийн 100 жилийн ойн баяр наадмын хурдан морьдын уралдаан хязаалан  морины уралдаанаар эхэллээ.

Хязаалан насны морьдын уралдаанд нийт 153 морь бүртгэгдсэнээс шүдэлгээ, хэмжилтээр 13 морь хасагджээ.

Уралдааны замд 140 хурдан хязаалан уралдсанаас Завхан аймгийн Завханмандал сумын харьяат Ш.Доржрагчаа эзэнтэй, Сүхбаатар аймгийн алдарт уяач У.Тамир уяа сойлгыг тааруулсан буган халиун түрүүллээ. 

Аман хүзүүнд Увс аймгийн Зүүнговь сумын харьяат Д.Батбаяр эзэнтэй, Монгол Улсын алдарт уяач М.Алтан-Очир уяа сойлгыг тааруулсан буурал хязаалан, гуравдугаар байрт Завхан аймгийн Алдархаан сумын харьяат Ч.Болд-Эрдэнэ эзэнтэй, Монгол Улсын алдарт уяач Г.Болдбаатарын уясан хүрэн хязаалан, дөрөвдүгээр байрт Увс аймгийн алдарт уяач Д.Батсайханы бор, айргийн тавд Завхан аймгийн Нөмрөг сумын харьяат З.Товуухоролбаатар эзэнтэй, Нийслэлийн алдарт уяач Ц.Нүүдлийн уяж уралдуулсан бор хязаалан орж эзэн, уяач, унасан хүүхэд түмэн олноо баясгалаа.