Онги-Таац голын сав газрын захиргаа Өвөрхангай аймгийн БОАЖГ, ХХҮГ, Арвайхээр ТҮГ-тай хамтран Дайргын гол дагуух 13 тонн хогийг цэвэрлэж, хогийн нэгдсэн цэгт хүргэжээ.

Ингэхдээ аялагчид ихээр амардаг Дайргын гол дагуух 12 км газрын хог, хаягдлыг түүсэн байна. 

Энэхүү цэвэрлэгээний ажилд хөдөлмөр эрхлээгүй, хөдөлмөрийн насны 15 иргэнийг тав хоногийн хугацаанд ажиллуулсан аж. 

Иймд аялал зугаалгаар явж байгаа иргэдийг байгальд хог хаяхгүй байхыг Байгаль орчин, аялал жуулчлалын яамнаас уриаллаа.