Монголын анхны олон ангит 3D анимейшн "Зуузуугийн найзууд" 100 ангит кино төсөл эхлээд нилээдгүй хугацааг үдлээ. Кино төслийн багийнхан энэ хугацаанд гол дүрийн баатруудаар чихмэл тоглоом, буддаг ном, таблет, стикер, хүүхдийн цүнх гээд маш олон нэр төрлийн бүтээгдэхүүнийг хөгжүүлсэн. Тус кино нь Казахстан улсын "Блапан" телевизээр гарч үзэгч хүүхдүүдээс өндөр үнэлэгээ авсан тул киногоо олон улсын зах зээлд таниулахаар youtube суваг дээрээ дуу клипээ англи хэл дээр байршлуулж богино хугацаанд 100 мянган дагагчтай болжээ.