"Жийп сервис" компанийн захирал Д.Мөнх-Эрдэнэ гэгч Монгол Улсын харцага Н.Золбоог олон удаа доромжилжээ. Харцага өнөөдөр фэйсбүүк хуудастаа энэ асуудлыг нь дэлгэсэн байна. Тэрээр "Төрийн наадмын дэвжээнд 9 жил барилдахдаа хүнд бууж өгч явсанаа санахгүй юм.
Улс, аймгийн наадамд барилдсан барилдаанууд минь гэрчлэх байх.Ах нь дэмжинэ гээл 2018 оны хавар өөрөө яриад эхэлсэн.Өөрөөрөө барилдаад цол авчихвал 3 өрөө байр, машин өгнө гэж амалсан. Цолоо аваад амалсан шагналаа өг гэж би нэхээгүй. Өөрөө машин өгсөн баярлаал авсан.
Хүнд юм өгөөд өөр шиг чинь араас нь ингэж байдаг хүн харсангүй.
Шаардлагатай бол машиныг чинь авсан шигээ буцаагаад аваачаад өгөе гэж хэлсэндээ уул нь.
Машин өгөөд намайг яаж ч болно гэж бодсон бол та том андуурч.
Олон удаагийн доромжлолыг чинь тэвчсэн шүү.
Даваагийн Мөнх-Эрдэнэ" хэмээн бичжээ. Монголд хөрөнгө бэлтэй, увайгүй этгээдүүд урлаг, спортод гялалзсан авьястнуудад хөрөнгө мөнгөөрөө тусалчихаад санаанд багтамгүй элдэв юм хийлгэдэг тухай хов жив их байдаг. Д.Мөнх-Эрдэнэ харин Н.Золбоо харцагыг "Наадамд барилдахдаа өрсөлдөгчдөө бууж өгдөг" гэж доромжилсон бололтой. Байгаа зүйлээрээ хүнд тусалсныхаа хариуд хувь хүний нэр хүнд, өөрийгөө үнэлэх үнэлэмжид нь бүдүүлгээр халддаг энэ мэт үйлдэлд цаашдаа хатуу хариуцлага тооцох зүйл заалтыг Эрүүгийн хуульд оруулах нь зүйтэй мэт санагдана. Н.Золбоо харцага л зоригтой дуугарсан болохоос өөр олон хүн бүр ч илүү зовлонтой явдаг юм билээ.