Зэвсэгт хүчний Хуурай замын цэргийн командлалын сургалтын төлөвлөгөөний дагуу командлагчийн нэрэмжит түвшин тогтоох шалгалт Зэвсэгт хүчний 123 дугаар ангиас эхэлж дүнгээ гаргав.

Энэхүү шалгалтын хүрээнд тус ангийн нийт бие бүрэлдэхүүн үүрэг гүйцэтгэх бэлэн байдал, бэлтгэлжилт, цэргийн сургалт, сэтгэл зүйн бэлтгэлийн явц байдал, хүрсэн түвшин, анги, салбарын жигдрэлт гэсэн чиглэлээр шалгууллаа.

Шалгалтыг жагсаалын үзлэгээр эхлүүлсэн ба команд штабын сургууль,  байнгын бүрэлдэхүүнтэй 50 километр, цэргийн гэрээт болон хугацаат цэргийн алба хаагчидтай 30 километрийн явган маршийг зохион байгуулж, дасгал, норматив гүйцэтгүүлснээс гадна хоногийн сургууль хийж, төгсөлд нь шалгалтын нэгдсэн дүн гаргаснаар дуусгасан юм.