Жижиг, дунд үйлдвэрийн газар 2020 оны наймдугаар сараас Хууль, тусгай активын хэлтсийг байгуулж, таван албан хаагчтайгаар ажиллаж эхэлжээ. Тус хэлтэс нь Жижиг, дунд үйлдвэрийг хөгжүүлэх сангийн өрийг барагдуулах үйл ажиллагаа явуулдаг байна. Өнөөдрийн байдлаар 350 орчим зээлдэгчтэй холбоотой асуудал дээр хууль хяналтын байгууллагатай хамтран ажиллаж байгаа ажээ. 

Жижиг, дунд үйлдвэрийг хөгжүүлэх сан өнөөдрийн байдлаар 254 тэрбум төгрөгийн авлагатай байгаа гэдгийг Жижиг, дунд үйлдвэрийн газрын дарга Я.Эрдэнэсайхан хэллээ. 2019 онд зөрчилтэй зээлдэгчээс дөрвөн тэрбум төгрөгийн эргэн төлөлт орж ирсэн бол дээрх хэлтсийг байгуулснаар 2020 оны 16 тэрбум төгрөг төвлөрүүлжээ. Энэ жил 36 тэрбум төгрөг төвлөрүүлэхээр төлөвлөсөн байна.