Сөнөөгч онгоцны нисгэгч онгоц нь дайсны суманд оногдонгуут автомат шидэгчээ ажиллуулан шүхрээр бууж амь гарч байхыг бид киноноос олонтаа харсан. Харин иргэний агаарын тээврийн онгоц зорчигчдодоо шүхэр өгдөггүй шүү дээ. Суудалд нь ч автомат шидэгч байдаггүй. Яагаад ийм байдаг юм бол оо.

Нэгдүгээрт, онгоцны ослын ихэнх нь агаарт нисч байх үед гардаг. Гэтэл онгоцны нисэж буй өндөрт амьсгалахад хүрэлцэх хүчилтөрөгч байдаггүй. Хоёрдугаарт, автомат шидэгчээр шидэгдэж буухын тулд тусгай бэлтгэл сургуулилт шаардагддаг юм. Нисэгчид маш их дасгал сургууль хийж байж энэ чадварыг эзэмшдэг. Энэ хоёроос гадна өөр хэд, хэдэн шалтгаан бий. Иргэний нисэхийн онгоцонд олон хүн суудаг. Хэрвээ зорчигчдыг шүхэртэй болголоо гэхэд нэгдсэн нэг л товчлуураар мулталдаг байх нь зайлшгүй. Тэгэхгүй бол зүрх муутай нэг нь түрүүлээд дарчихна. Онгоцны бин битүү байдал алдагдвал онгоц сүйрнэ гэсэн үг. Тэгэхээр бүгд зэрэг л шидэгдэх ёстой болж таарна. Тэгвэл тийм тохиолдолд амьд үлдэх магадлал бараг “0”-тэй тэнцүү гэдгийг туршилтаар тогтоосон байна.