БНХАУ хүн амын хэт өсөлт, хоол хүнсний хүрэлцээгүй байдлаас болоод саяхныг хүртэл “Нэг өрх-Нэг хүүхэд” бодлого хэрэгжүүлснийг бид мэднэ. Тэгвэл БНХАУ яагаад ийм олон хүн амтай болсныг мэдэхгүй хүн байж магадгүй.

Хятадын соёл иргэншил  дэлхий дээрх хамгийн эртний соёл иргэншлийн нэгт баттай тооцогдоно. Күнзийн сургуулийг шүтэж, зарчмыг нь олон мянган жил амьдралдаа мөрдсөн хятадууд эртнээс “Хүүхэд бол эд баялаг” гэж үздэг байсан тул аль болох олон хүүхэд төрүүлж, өсгөхийг эрмэлзэж ирсэн байна. “Нэг өрх-Нэг хүүхэд” бодлого гарах үртэл иймээрээ л байсан бөгөөд өнгөрсөн зууны дунд үед Хятадын нэг айл 5.68 хүүхэдтэй байсан гэсэн статистик бий. Зарим судлаачид хятадуудын олон хүүхэдтэй болох хүслийн үндэсийг "Хөгширсөн хойноо ядуу зүдүү амьдрахаас айх айдсаас эхтэй" гэж тайлбарласан нь бий.