“Пентхаус” кинонд бүтээсэн дүрээрээ алдар нэрийн оргилд гарсан жүжигчин Ким Со Ён "Гумихогийн үлгэр" /"Tale of Gumiho"/ цувралын хоёрдугаар бүлэгт гол дүр бүтээхээр болжээ. Триллер элемент бүхий, ид шид-уран зөгнөл, романтик хослуулсан жанрын уг цувралын нэгдүгээр бүлэг 2020 оны арванхоёрдугаар сард дэлгэцэнд гарч дууссан бөгөөд үзэгчдээс 5,8 буюу маш өндөр үнэлгээ авсан юм. Цувралын нэгдүгээр бүлэгт Ли Дон Ук /Lee Dong Wook/, Ким Бом /Kim Bum/, Чо Бо А /Jo Bo Ah/, Ким Ён Жи /Kim Yong Ji/, Хван Хи /Hwang Hee/ зэрэг жүжигчид тоглож байв.

Японы колоничлолд байсан он жилүүдийг одоо үетэй хослуулан сонирхолтой байдлаар дүрслэх хоёрдугаар бүлэгт Ким Со Ёноос гадна Ким Бом, Ли Дон Ук нар тоглох юм байна. Найруулагчаар нь Кан Шин Хё /Kang Shin Hyo/ ажиллана. Хоёрдугаар бүлгийн дараа гуравдугаар бүлэг мөн гарах бөгөөд тус бүр 10 ангитай байх аж.