Хөлбөмбөгч Сон Хын Мин BLACKPINK-ийн Жисутай үеэрхэж байгаа юу

Хөлбөмбөгийн “Тоттенхэм Хотспур” багийн довтлогч Сон Хын Мин BLACKPINK хамтлагийн Жисутай үерхэж байж магадгүй гэсэн сэдэв одоо Солонгосын нетизенүүдийн дунд ид халуун байна. Ийм яриа гарах болсон нь Жису 2019 онд “Тоттенхэм”-ийн тоглолтыг Лондонд очиж үзсэнтэй холбоотой. Тэр үед Жису инстаграм хуудастаа хэд, хэдэн зураг оруулсан байдаг аж. Харин хоёр жилийн дараа ийм яриа дахин гарах болсон нь учиртай.

Сон Хын Мин Солонгост энэ сарын 5-ны өдөр иржээ. Тэрээр “Катар 2022” ДАШТ-ий Азийн бүсийн урьдчилсан тэмцээний хүрээнд Сиритэй хийх тоглолтод оролцохоор ирсэн юм /Тоглолт 7-нд болсон/. Гэхдээ тэрээр багийн бэлтгэлийн бааз байрладаг Лондонгоос биш, Парисаас Сөүлд иржээ. Хамгийн сонирхолтой нь, BLACKPINK-ийн Жису Парист загварын долоо хоногт оролцоод яг тэр өдөр /5-нд/ Сөүлд ирсэн байна.   

Өөр бас нэг сэжим гэвэл тэр хоёрын бугуйвч яг адилхан байгаа явдал юм. Гоол оруулсныхаа дараа байнга үнсдэг болохоор Сон Хын Миний дэмжигчдийн хувьд энэ бугуйвчийг сайн танина. Тэгвэл Жису яг ийм бугуйвч зүүдэг ажээ.  


Хөлбөмбөгч Сон Хын Мин BLACKPINK-ийн Жисутай үеэрхэж байгаа юу
Сэтгэгдэл
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд chig.mn хариуцлага хүлээхгүй.

Нийт сэтгэгдэл: 0
Шинэ мэдээ