“Bigbang” хамтлагийн дуучин Тэян жүжигчин Мин Хё Рин нар анхныхаа хүүхдийг хүлээж байна. “Hankook Ilbo” өнөөдөр энэ талаар мэдээлжээ. Мин Хё Риний хэвлэлийн албанаас дараа нь мэдэгдэл хийж, дээрх мэдээлэл үнэн болохыг баталсан байна. Мэдэгдэлд “Мин Хё Рин жирэмсэн болсон гэдэг нь үнэн. Тэрээр анхныхаа хүүхдийг маш баяртайгаар хүлээж байгаа. Тэрээр тайван байж байгаад төрөхийг хүсэж байгаа учир өөр асуултад хариулах боломжгүй байгааг ойлгоно биз ээ” хэмээн онцолжээ.

“Bigbang” хамтлагийн дуучин Тэян жүжигчин Мин Хё Рин нар 2014 онд, Тэяны “1AM” дууны клипний зураг авалт дээр танилцаж, улмаар 2018 онд гэрлэсэн юм.