Жүжигчин Скарлетт Йоханссон өнгөрсөн сарын сүүлээр "Уолт Дисней" кино компанийг шүүхэд өгчээ. Тус компани түүний тоглосон “Хар бэлэвсэн эхнэр” киног кино театр болон онлайн кинотеатрт зэрэг гаргаж эхэлсэн ч шагнал урамшуулалд нь муугаар нөлөөлсөн гэж үзээд ийнхүү шүүхэдсэн юм байна. “Уолт Дисней” жүжигчний энэ үйлдлийг маш эмзэгээр хүлээн авсан бөгөөд “Цар тахлын хүнд үед иргэдийн эрүүл мэндэд огт санаа зовохгүй, гагцхүү мөнгө бодлоо” хэмээн эрс зэмлэн буруушаасан мэдэгдлийг гаргасан аж. Түүгээр ч зогсохгүй Скарлетт Йоханссоны оролцсон нэг бус төслүүдээс бүгдээс нь гарахаар болсон нь саяхан тодорхой болжээ. Ингэснээр Скарлетт Йоханссоны продюсерээр нь ажилласан “Айдсын байшин” зэрэг хэд, хэдэн кино тодорхойгүй хугацаагаар “царцжээ“.