Өнөөдөр САИН /Сайн ардчилсан иргэдийн нэгдэл/ намын Баянзүрх дүүргийн хороо байгуулагдаж даргаар нь Очирхуягийн Төрням томилогдлоо.

Тус нам нь 2023 оны 5 дугаар сард Дээд шүүхийн шийдвэрээр улсын бүртгэлд бүртгэгдэн байгуулагдаж байсан бол өдгөө Монгол улсын өнцөг булан бүрт үзэл бодлоороо нэгдсэн олон залуусаар үйл ажиллагаагаа өргөжүүлсэн байна. Баянзүрх дүүргийн САИН намын хороон дарга О.Төрням хэлэхдээ “Манай улсын нийт хүн амын ихэнх хувийг идэр залуус эзлэдэг. Тиймээс ирээдүй болсон залуусаа, үр хүүхдүүдээ эх орондоо таатай амьдрах нөхцөл байдлыг бий болгохын төлөө хүн бүр хичээн ажиллах цаг нь болсон. Миний энэ хүсэл сонирхол САИН намын бодлого чиглэлтэй нийцэж байгаа учраас сонголтоо хийсэн. Цаашид энэ сонголтдоо үнэнч байж зорилгодоо хүрэхийн төлөө хичээн ажиллах болно.” гэлээ.