Mонгол Улсад хаваржилт хүндэрч, зудтай хүнд жил болж байгаатай холбогдуулан Гадаад харилцааны сайд Б.Батцэцэгт БНСУ-ын Гадаад хэргийн сайд Жу Тэ Ёль албан захидал ирүүлсэн байна. Тэрээр захидалдаа зудын гамшгийн улмаас их хэмжээний гарз хохирол учирсанд хувиасаа болон Солонгосын ард иргэдийн өмнөөс ихээхэн санаа зовниж буйгаа илэрхийлжээ. Улмаар байгалийн гамшгийн хүндрэл, бэрхшээлийг даван туулахад зориулж БНСУ-ын Засгийн газраас 200 мянган ам.долларын тусламж үзүүлэхээр шийдвэрлэснийг мэдэгдсэн байна. 

Тусламжийн хандивыг Улаан загалмайн нийгэмлэгээр дамжуулан хүргүүлэх аж.