Өнөөдөр Үндэсний баялагийн сангийн тухай хуулийг өөрчлөх санамж бичигт парламентад суудалтай намууд гарын үсэг зурлаа.

Энэ үеэр АН-ын дарга Л.Гантөмөр "Монгол Улс парламентын засаглалын төлөвшүүлэх чиглэлд тодорхой алхам хийнэ гээд үүний ард гарч чадсан. Парламентын ардчилалыг хөгжүүлэхэд сонгогчдын санал гээгдэхгүй байх нь чухал гээд холимог системийг Үндсэн хуульд тусгасан. Ингэснээр олон нам Монголын Улсын талаар хэлэлцдэг болох юм. Мөн хүйсийн тэгш харилцааг тооцож, эмэгтэйчүүдийн квотыг нэмж, намын жагсаалтаар хүйсийн харилцааг 50:50 болгосон. Цаашид улс төрийн намын санхүүжилтийг ил тод болгох асуудлыг ярилцсан.

Монгол Улсын хөрөнгө талын нэг тардаг. Үүнийг хумихын тулд сонгуулийн томсгосон тойрогт хуваах шийдлыг гаргасан. Цаашид хөгжлийн хөтөлбөрүүд дээр санал нийлэх хувилбарыг гаргаж байна. Бид популист улстөрчөөс татгалзана. Өнөөдөр "Эрдэнэс Тавантолгой" ХК-ийн ногдол ашгийг ярьж байгаа юм. Хувьцаа эзэмшигч ногдол ашиг авах нь компанийн хуульд би. Гэтэл энэ компани ашигтай ажиллаж чадаагүй. Бид өнөөдөр баялагийн хараалд өртсөн. Баялагийн хараалаас гарах цаг нь болсон. Баялаг ашиглаж байгаа компаниудын үйл ажиллагаа иргэдийн хараа хяналтад байх ёстой юм байна.Бид энэ асуудал дээр саналаа нэгтгэж байгаа юм. Баялгийн хараалыг баялгийн ерөөл болгоё гэдэг дээр санал нэгдэж байгаа учраас санамж бичигт гарын үсэг зурж байгаа юм. Парламентад суудалтай намууд Ажлын хэсэг байгуулж, иргэдтэйгээ зөвшилцөнө. "Эрдэнэс Тавантолгой" болон "Эрдэнэт үйлдвэр"-ийн захирлыг нээлттэй ил тодоор тодруулдог болно" гэв.