УИХ дахь Ардчилсан Нам(АН)-аас КОВИД-19-ийн сонсгол болон Ногоон автобусны хэргээр мэдээлэл хийлээ. 

КОВИД-19-ийн үеийн мөнгө санхүүгийн зохицуулалттай холбоотой асуудлаар сонсгол явагдаагүй. Эрх баригчид энэ хоёр асуудлаар сонсгол явуулахгүй байх бүхий л бололцоог гаргаж байна гэдгийг АН-аас онцолж байв. 

Ногоон автобусны асуудлаар түр хороо байгуулах саналыг Ардчилсан Намаас өргөн бариад 50 хонож байгаа аж. 

Энэ талаар УИХ-ын гишүүн Н.Ганибал "Ногоон автобусны хэрэгт хэн гэдэг эрх мэдэлтэн, албан тушаалтнууд ямар хуулиудыг яаж зөрчсөнийг олон нийтэд нээлттэй л болгох гээд байгаа юм. Бараг тодорхой байгаа. 

Зөвхөн 2022 он гэхэд 1.2 их наяд төгрөгийн шууд худалдан авалтуудыг нээлттэй бишээр хийсэн. Үүний цаана хулгай, луйвар нуугдаж байгаа" гэв.